آتا بابالار سؤزو نه گؤزل ایمیش:
«آج تویوق یوُخودا داری گؤرَر.» ائله بو گئجه باشیما گلدی...
بوُ یوُخونون گؤرمَگی بیر سیرا جریان‌لارا قاییدیر. اونا گؤره اویاق‌لیق عالَمین‌دن یازمالی‌یام:
دانیشگاه‌دا چوخ هیس چَکیرَم! ائله هر طَرَفه باخیرسان قیز اوغلان دَرسی باهانا ائله‌ییب دانیشیرلار (یاخشی ایش گؤرورلَر!). بیزده قالیریق یانا یانا...
سؤزون دۆزو گۆناه اؤزوم‌دن دیر؛ ایندیه‌جه بئش آلتی مورِدی کورلامیشام! گؤرورسن قیز من ایله دانیشماق ایسته‌ییر، یا قیسا بیر جاواب وئریب اکیلیرم، یا دا ائشیتمه‌میش ساییب گئدیرم! (آللاه بوُ گۆناهیم‌دان گئچمه‌سین!)
او تای‌دان تبریزین گؤزَل‌لَری ده چوخ گؤزل دیر! (بیزیم شَهَرده او جور گؤزل تاپیلمیر.) خیابان‌دا یا گَرَک یئره باخاسان، یا دا آلیشیب کۆل اولاسان! ائله بیل بوُ سؤزو تبریز قیزلارینا قوشوب‌لار: «اؤزو گؤزل، سؤزو گؤزل»
آللاه هئچ کیمی تِکنولوژودان اوُزاق ائله‌مه‌سین! نه فِیسبوک واریمدیر، نه لاین، نه وی‌چَت، نه عاغیل، ... . بونلارین بیری اولسا ایدی (مخصوصاً آخیرداکی)، بئله یالنیز قالماز ایدیم!
دَردیم بیر دانا دئییل کی! خوابگاه‌دا اوتاق‌داش‌لاریمین بیری Lineدا چیمیر! دَرسه باخاندا دا چَتی اؤتورمور! گؤزو دَرسه اولور، اؤزو Lineدا ! بئله‌جه منیم ده کؤنلومه دوشوب!
بَلی یولداش‌لار، نئجه کی آج تویوق یوُخودا داری گؤرَر، بیز ده یوُخودا بئله گؤردوک:
گؤردوم موبایل‌دا، لاینا بَنزَر گؤزَل بیر بَرنامه ایله، نانسی عجرم ایله چَت‌لشیرم! (الله اکبر!)
نَم‌نه‌قَدَر بیر بیریمیزه یازی گؤندَرمیش‌دیک... آخیردا او ایکی دانا یازی گؤندردی؛ بیلمیرَم نه‌یه گؤره اسکیک‌لیک ائله‌ییب جاواب گؤندرمه‌دیم! چَتی اؤتوروب آیری ایشه مشغول اولدوم!
آللاه منه لعنت ائله‌سین! یوُخودا دا آدام کیمی قیز ایله دانیشمیرام...
Qalanı...
بؤلوم‌لر: عشقی یوخو،
تگ‌لر:
لاین یوخوسو،
چت یوخوسو،
عشقی یوخو،
«آج تویوق یوُخودا داری گؤرَر.» ائله بو گئجه باشیما گلدی...
بوُ یوُخونون گؤرمَگی بیر سیرا جریان‌لارا قاییدیر. اونا گؤره اویاق‌لیق عالَمین‌دن یازمالی‌یام:
دانیشگاه‌دا چوخ هیس چَکیرَم! ائله هر طَرَفه باخیرسان قیز اوغلان دَرسی باهانا ائله‌ییب دانیشیرلار (یاخشی ایش گؤرورلَر!). بیزده قالیریق یانا یانا...
سؤزون دۆزو گۆناه اؤزوم‌دن دیر؛ ایندیه‌جه بئش آلتی مورِدی کورلامیشام! گؤرورسن قیز من ایله دانیشماق ایسته‌ییر، یا قیسا بیر جاواب وئریب اکیلیرم، یا دا ائشیتمه‌میش ساییب گئدیرم! (آللاه بوُ گۆناهیم‌دان گئچمه‌سین!)
او تای‌دان تبریزین گؤزَل‌لَری ده چوخ گؤزل دیر! (بیزیم شَهَرده او جور گؤزل تاپیلمیر.) خیابان‌دا یا گَرَک یئره باخاسان، یا دا آلیشیب کۆل اولاسان! ائله بیل بوُ سؤزو تبریز قیزلارینا قوشوب‌لار: «اؤزو گؤزل، سؤزو گؤزل»
آللاه هئچ کیمی تِکنولوژودان اوُزاق ائله‌مه‌سین! نه فِیسبوک واریمدیر، نه لاین، نه وی‌چَت، نه عاغیل، ... . بونلارین بیری اولسا ایدی (مخصوصاً آخیرداکی)، بئله یالنیز قالماز ایدیم!
دَردیم بیر دانا دئییل کی! خوابگاه‌دا اوتاق‌داش‌لاریمین بیری Lineدا چیمیر! دَرسه باخاندا دا چَتی اؤتورمور! گؤزو دَرسه اولور، اؤزو Lineدا ! بئله‌جه منیم ده کؤنلومه دوشوب!
بَلی یولداش‌لار، نئجه کی آج تویوق یوُخودا داری گؤرَر، بیز ده یوُخودا بئله گؤردوک:
گؤردوم موبایل‌دا، لاینا بَنزَر گؤزَل بیر بَرنامه ایله، نانسی عجرم ایله چَت‌لشیرم! (الله اکبر!)
نَم‌نه‌قَدَر بیر بیریمیزه یازی گؤندَرمیش‌دیک... آخیردا او ایکی دانا یازی گؤندردی؛ بیلمیرَم نه‌یه گؤره اسکیک‌لیک ائله‌ییب جاواب گؤندرمه‌دیم! چَتی اؤتوروب آیری ایشه مشغول اولدوم!
آللاه منه لعنت ائله‌سین! یوُخودا دا آدام کیمی قیز ایله دانیشمیرام...
بؤلوم‌لر: عشقی یوخو،
یارپاق‌لار سایی‌سی : ::
1